Familia, infancia e mocidade

PROGRAMAS

PROGRAMA DE EDUCACIÓN FAMILIAR.-
Consiste na intervención, por parte de persoal especializado, con familias nas cales se detectan carencias competenciais nas súas funcións parentais, como consecuencia da perda de referentes estables e das funcións que tiña asignadas, sendo o fin último desta intervención a integración social e mellora da calidade de vida das familias.
Os obxectivos son: potenciar a autonomía das familias; favorecer a integración de todos os membros da unidade familiar no seu contorno social; posibilitar a intervención profesional individualizada coas familias con menores ó seu cargo, persoas con dependencia, discapacitados ou calquera outra situación familiar que poida desembocar nunha situación de risco ou dificultade social; e, prestar apoio e colaboración na capacitación dos adultos que deesempeñan roles parentais para desenvolverse axeitadamente no autocoidado, coidado e educación dos fillos/as e a atención, organización e mantemento do fogar.

Información:
Horario de atención ó Público: De luns a venres de 9 a 13
Técnico Responsable: Educadora Social
E-mail: educacionfamiliar@concelloderianxo.es

ACTIVIDADES:

OBRADOIRO DE ESCOLA DE NAIS/PAIS.-
Obradoiro dirixido ós pais/nais co fin de proporcionar estratexias, destrezas e recursos prácticos que lle axuden a mellorar as condicións para un óptimo desenvolvemento dos seus fillos/as a nivel de educación, socialización e maduración. A psicoloxía evolutiva, o entorno familiar, a autoestima, o fomento da responsabilidade, o xogo, os estudos dos menores, efectos dos medios de comunicación, violencia escolar, etc, foron módulos desenvolvidos
CALENDARIZACIÓN: A determinar polo departamento.
INFORMACIÓN E INSCRICIÓNS: Dpto. Servizos Sociais (Tlf: 981 860 061). E-mail: educacionfamiliar@concelloderianxo.es

OBRADOIRO DE RESOLUCION DE CONFLICTOS NA FAMILIA.-
Os contidos están estructurados en 6 sesións e versarán sobre aspectos tales como: a tensión no interior da familia, tipos de autoridade, natureza e tipos de conflicto, estratexias para chegar a acordos: negociación e mediación, e técnicas de autocontrol emocional.
CALENDARIZACIÓN: A determinar polo departamento.
INSCRICIÓNS E INFORMACIÓN: Dpto. Servizos Sociais do Concello de Rianxo (Tlef: 981 860 061)

PRESTACIÓNS SOCIOECONÓMICAS

TITULO DE FAMILIA NUMEROSA.-
Considérase familia numerosa a integrada por un ou dous ascendentes con tres ou máis fillos, sexan ou non comúns, ou con dous fillos sempre que alomenos un sexa discapacitado. Contabilízanse os fillos/as menores de 21 anos ou menor de 25 se están cursando estudos, ou discapacitados sen límite de idade.
Impreso de solicitude/renovación do Título de Familia Numerosa [PDF]

CARNÉ FAMILIAR.-
O Carné Familiar é unha tarxeta persoal e intransferible ó dispor dos membros das familias numerosas, coa que van obter vantaxes ou descontos nos establecementos colaboradores en toda Galicia.
Impreso de solicitude do Carné Familiar. [DOC]

AXUDA DE LEITE GRATUITO POR PARTO MULTIPLE OU FAMILIA NUMEROSA.-
Consiste na achega gratuíta de certa cantidade de leite. Leite de Inicio: entrega dun vale canxeable en calquera farmacia por 6 botes de Leite Almirón 1 e 6 cereais sen glute marca Nutricia por cada fillo a partir do segundo. De leite enteiro: entrega de vales canxeables por valor de 216 litros de leite Río Calcio.
Poderán ser beneficiarias: As familias nas que se produza un parto múltiple (Nos primeiros meses de vida dos seus fillos terán dereitos á achega do leite de inicio e cando cumpran un ano de idade á do leite enteiro), e as familias numerosas (terán dereito á achega de leite enteiro a partir de que o/a neno/a cumpra un ano de vida).
Impreso solicitude axuda leite fam_num. [DOC]

PRESTACIÓN POR FILLO MENOR A CARGO.-
A Consellería de Traballo e Benestar a través da Orde do 3 de maio de 2010 ven de establecer as bases polas que se rexerá a concesión da prestación económica de pagamento único por fillas e fillos menores de tres anos para o ano 2010.

BENEFICIARIOS/AS:

• Persoas que teñen ao seu cargo fillos e fillas menores de tres anos na data do 1 de xaneiro do 2010 (nacidos entre o 2-01-2007 e o 01-01-2010, inclusive) e que, por razón dos ingresos obtidos durante o ano 2008, nin elas nin ningún dos membros da unidade familiar estiveran obrigados a presentar Declaración do Imposto sobre a Renda das Persoas Físicas correspondente a este período.
  

REQUISITOS:

• Que os pais teñan residencia habitual en Galicia.
  
• Que na data da solicitude os/as nenos/as convivan co solicitante.
  

DOCUMENTACIÓN:

• Fotocopia do Libro de Familia ou certificación literal de nacemento de cada un dos fillos menores de tres anos.
• Certificado de empadronamento colectivo.
• Fotocopia da folla da cartilla de aforros na que figure o número de conta e na cal deberá figurar como titular a persoa que asina a solicitude.

Se o/a solicitante recibise a prestación familiar por fillo menor a cargo no ano 2009, só terá que presentar a solicitude formalizada no modelo oficial (ANEXO I) ou ben obter a solicitude cuberta no enderezo:

http://www.xunta.es/aplicacions/pfc

PRAZO:

• O prazo para a presentación das solicitudes rematará o vindeiro 19 de xuño do 2010.
  

AXUDAS Á CONCILIACION DA VIDA FAMILIAR E LABORAL: REDUCCION XORNADA DE TRABALLO.-
A Vicepresidencia da Igualdade e do Benestar ven de convocar axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo. (DOG nº 64 de 3/04/2008).

BENEFICIARIOS/AS:

• Homes traballadores por conta allea.
• Familias monoparentais nas que a persoa solicitante, home ou muller, sexa traballadora por conta allea.
  

DOCUMENTACION:

• Solicitude e anexos [PDF]
• Fotocopia do DNI ou NIE.
• Fotocopia compulsada do libro de familia.
• Fotocopia compulsada da sentencia de nulidade, separación ou divorcio e do convenio regulador, se é o caso.
• Nos suposto de adopción ou tutela, copia do auto xudicial de adopción ou da resolución xudicial de constitución de tutela.
• No caso de proxenitores solteiros con filla/o recoñecido polo outro proxenitor pero sen que exista convivencia entre pai e nai, declaración xurada que recolla este extremo.(anexo II).
• Certificado de empadroamento.
• No caso de familias monoparentais, certificación de convivencia no cal consten as persoas que conviven no domicilio coa persoa solicitante.
• Certificación bancaria orixinal da conta da que é titular a persoa solicitante.
• Declaración de que o período de redución solicitado non coincide co permiso por maternidade, nin con ningún outro permiso, licenza ou excedencia para o mesmo fin do cónxuxe ou parella (anexo III)
• Declaración do conxunto de todas as axudas solicitadas ou concedidas polo mesmo concepto (anexo III).
• Certificación da empresa ou, se é o caso, da Administración pública correspondente, acreditativa da redución de xornada (anexo IV).
• Orixinal ou fotocopia de TA 2/R (variación dos datos na Seguridade Social), na cal se reflicta a situación de garda legal.
• No caso de familias non monoparentais, certificación de vida laboral relativa ao cónxuxe ou parella. No caso de pertencer a sitemas de previsión social distintos (MUFACE, ISFAS, MUXEXU, etc), certificación acreditativa da data desde a cal presta os seus servizos, con indicación de que na actualidade se atopa en servizo activo.
• Anexo V de recollida de datos para análise de resultados.

PRAZO DE PRESENTACIÓN: Ata o 31 de agosto de 2008.
INFORMACION: Servizos Sociais do Concello de Rianxo (Carretera de Tanxil, 12 Tlf:981 860 061) DOGA nº 64 de 3/04/2008

AXUDAS MUNICIPAIS PARA ADQUISICIÓN DE LIBROS (E.I.) E MATERIAL ESCOLAR (E.P., E.S.O.).-
As axudas para a adquisición de material escolar van destinadas a aqueles alumnos/as que cursando estudos nos tramos de ensino obrigatorio e gratuíto e por tanto, excluídos da convocatoria estatal de becas, ó dispor de baixas rendas familiares para afrontar os gasto de educación, necesitan dun apoio especial para garantir a plena gratuidade do seu dereito á educación. As axudas para a adquisición de libros de texto van destinadas a aqueles alumnos que debido ós cursos que realicen non teñan os libros de texto gratuítos.
Poderán optar a estas axudas os alumnos/as de Educación Infantil, Educación Primaria e Educación Secundaria, empadroados/as no Concello de Rianxo.
Prazo da convocatoria 2010: A determinar polo departamento.