Persoas maiores

CURSO COIDADOS PALIATIVOS NA DEMENCIA DEXENERATIVA
Os Servizos Sociais do Concello de Rianxo en colaboración con AGADEA, organiza un curso formativo de coidados paliativos nas demencias dexenerativas.
CONTIDOS:

• Enfermidade de Alzheimer e outras demencias.
• Aspectos psicosociais e recursos nas fases avanzadas
• Moite biolóxica e morte física.
• Comunicación co enfermo terminal e a súa familia.
• Coidados nas fases avanzadas.
• Coidados terminais.
• Ética e bioética.
• Atención ó dó no familiar coidador.

CALENDARIZACIÓN:

• Do 31 de Marzo ó 15 de Abril.
• De 17:00 a 20:30

LUGAR: CEIP Castelao.

DURACION: 60 Horas.

XORNADA: ALIMENTACION E MAIORES
Os Servizos Sociais do Concello de Rianxo organiza unhas xornadas sobre Alimentación e Saúde.
As xornadas van dirixidas a toda a poboación rianxeira.DATA: VENRES 18 e 25 DE Abril
HORA: 17:30
LUGAR: CUARTEL VELLO
INFORMACIÓN: Servizos Sociais do Concello de Rianxo, Tlf: 981 860 061; E-mail: maiores@rianxo.com 

TALLER DE MEMORIA.-
O Concello de Rianxo imparte un taller de Memoria no núcleo urbano de Rianxo, e nas parroquias de Asados, Isorna e Taragoña. Os/as interesados/as en participar, poderán inscribirse no lugar de celebración da actividade, ou neste departamento municipal.

CURSO DE INFORMÁTICA PARA MAIORES.-
Preténdese con este curso, achega-las novas tecnoloxías ás persoas maiores así como fomenta-lo seu uso, adquirindo uns coñecementos básicos e mellorando a comunicación inter e intraxeracional.
Consiste nunha aula itinerante que percorre tódalas parroquias do noso concello.
Calendarización:
Taragoña e Leiro: Novembro / Decembro 07.
Araño e Isorna: Xaneiro 2008 - aberta inscrición.
Asados: Febreiro 2008 -aberta inscrición.
Rianxo: Marzo 2008 - aberta inscrición

OBRADOIRO DE HABILIDADES SOCIAIS E COMUNICATIVAS.-
Con este obradoiro preténdese incrementa-las habilidades sociais e comunicativas das persoas maiores; aumentando a súa autoestima para favorece-lo autocoñecemento e a autoimaxe. Do mesmo xeito tamén se tenta sensibilizar sobre os mitos ocultos na vellez.
Calendarización:
Asados e Isorna: Novembro / Decembro 07.
Taragoña, Asados e Rianxo: Xaneiro 2008 - aberta inscrición

O Concello de Rianxo organiza dúas comidas da Terceira Idade durante o ano: A tradicional comida de Antroido e a conmemoración do "Día dos Nosos Maiores" na festa da Guadalupe.

SERVIZOS

ATENCIÓN Á TERCEIRA IDADE.-
O Concello de Rianxo pon en marcha un servizo de Atención á Terceira Idade a través dunha serie de actividades de carácter preventivo e de ocio, para fomentar un futuro saudable dos e das nosas maiores. O principal obxectivo é o desenvolvemento integral das persoas maiores e a súa participación activa na sociedade.
Dentro das actividades a programar, ofertaranse próximamente os seguintes talleres: Habilidades Sociais e Comunicativas; Educación para a Saúde e Hábitos Nutricionais; e, Prevención de Riscos no Fogar. Tamén se ofertarán periódicamente excursións con fins culturais que difundiremos neste espazo.

Información:
Horario de atención ó Público: De luns a venres de 9:00 a 13:00
Técnico Responsable: Pedagoga e Educadora Social
E-mail: maiores@rianxo.com

PROGRAMAS

PROGRAMA DE TERMALISMO SOCIAL 2008.-
O Instituto de Maiores e Servizos Sociais ven de publicar a convocatoria de prazas para participar no Programa de Termalismo Social para o ano 2.008.

REQUISITOS

• Ser pensionista da Seguridade Social, ou ter 60 anos no caso de Viuvez.

• Non padecer doenzas mentais graves nin enfermidade infecto-contaxiosa.

• Poder valerse por sí mesma para as actividades da vida diaria.

• Precisar os tratamentos termais solicitados e carecer de contraindicación médica.

PRAZOS:

• Ata o 12 de decembro de 2007 para as quendas de xaneiro e febreiro.
  
• Ata o 16 de xaneiro de 2008 para as quendas de marzo a agosto.
  
• Ata o 16 de maio de 2008 para as quendas de setembro a decembro 2008.

SOLICITUDE:

• Solicitude de Praza en Termalismo Social [PDF]
• Impreso Informe médico [PDF]

Información:
Horario de atención ó Público: De luns a xoves de 9:00 a 12:00
Técnico Responsable: Traballadora Social
E-mail: atprimaria@rianxo.com

PROGRAMA DE VACACIONS PARA MAIORES.-
É un programa social de vacacións destinadas ás persoas maiores co obxectivo de facilitar a incorporación deste colectivo ás correntes turísticas. O concello de Rianxo ten suscrito un convenio co IMSERSO, polo que aquelas persoas que se acollen a este programa, o Concello faise cargo dunha porcentaxe do prezo do billete, así como do custo dos autobuses para traslados (ida e volta) ó aeroporto galego de partida.
REQUISITOS:

• Ter como mínimo 65 anos cumpridos.
• Ser pensionista de xubilación, viuvedade de idade igual ou superior a 55 anos, ou outros pensionistas con 60 anos cumpridos.
• Poderán levar como acompañante a un fillo/a con discapacidade que teña un grado de minusvalía igual ou superior ó 45%.
• Deberán valerse por sí mesmos e non padecer alteracións de comportamento que impidan a normal convivencia nos hoteles.

Prazo: O prazo de solicitude 2008 abrirase previsiblemente no 2º trimestre do ano 2008.

Información:
Horario de atención ó Público: De luns a Venres de 9:30 a 13:30
Técnico Responsable: Pedagoga
E-mail: maiores@rianxo.com

PROGRAMA DE TURISMO SOCIAL PARA PERSOAS MAIORES.-
Consiste nuns días de vacacións e descanso en zonas turísticas, balnearios, etc., situados en Galicia, noutras comunidades autónomas ou cabildos insulares do Estado.
Beneficiarios:
Persoas maiores de 65 anos ou maiores de 60 reunindo a condición de pensionista (tamén os seus cónxuxes ou os que acrediten relación análoga á conxugal sin límite de idade).
Requisitos:

• Residir na Comunidade Autónoma de Galicia.
• Valerse por si mesmo, atoparse en condicións de asistir ao programa e non padecer enfermidade infecto-contaxiosa.
• Non padecer trastornos mentais ou condutuais, non compensados, que poidan alterar a normal convivencia durante o transcurso da quenda
• Para as quendas de carácter termal, precisar os tratamentos balneoterápicos solicitados e carecer de contraindicación médica para a recepción dos mesmos.
• Efectuar a oportuna inscrición e pagamento do prezo estipulado no prazo que se estableza.
  

Prazo: pechada convocatoria 2007

Información:
Horario de atención ó Público: De luns a xoves de 9:00 a 12:00
Técnico Responsable: Traballadora Social
E-mail: atprimaria@rianxo.com

PRESTACIONS SOCIOECONOMICAS

AXUDAS INDIVIDUAIS PARA PERSOAS MAIORES E PERSOAS CON DISCAPACIDADE PARA FACILITAR A AUTONOMÍA PERSOAL E A ACCESIBILIDADE.-
Consiste en axudas para a adaptación e eliminación de barreiras en vehículos, axudas para órtese e próteses, e axudas técnicas.
Beneficiarios/as:

• Persoas maiores de 65 anos que acrediten a necesidade dunha axuda que non estea incluída no ámbito doutras liñas de protección social ou sanitaria.
  
• Persoas con discapacidade e/ou en situación de dependencia, menores de 65 anos que teñan recoñecido un grao de minusvalidez igual ou superior ao 33%, ou de se-lo caso, teñan recoñecida a situación de dependencia conforme a Lei 39/2006, de 14 de decembro.
• Soliciten unha axuda derivada da súa discapacidade recoñecida.
• Acrediten a necesidade dunha axuda que non estea incluída no eido doutras liñas de protección social, sanitaria ou educativa.

Prazo: pechada convocatoria 2007

Información:
Horario de atención ó Público: De luns a xoves de 9:00 a 12:00
Técnico Responsable: Traballadora Social
E-mail: atprimaria@rianxo.com

CHEQUE ASISTENCIAL PARA PERSOAS MAIORES DEPENDENTES.-
Axuda económica para persoas maiores que, debido a unha situación de severa ou gran dependencia, precisan doutra persoa para desenvolverse na vida cotiá e teñen gastos extraordinarios derivados da súa atención e coidado.
Beneficiarios/as:
Persoas maiores de 65 anos que padezan unha dependencia física ou psíquica que lle faga precisar doutra persoa para realizar as actividades esenciais da vida diaria.
Requisitos:

• Ter máis de 65 anos e padecer unha situación de severa ou gran dependencia.
• Estar empadroado e ter residencia efectiva en calquera dos concellos da Comunidade Autónoma galega alomenos durante o último ano.
• Tamén poderán ser beneficiarios das axudas os cidadáns españois residentes no estranxeiro que tiveran a súa ultima veciñanza administrativa en Galicia se as anteditas persoas fixasen a súa residencia no territorio da Comunidade Autónoma de Galicia.
• Non ter disfrutado do servizo que se solicita nun período de 6 meses anteriores á formulación da solicitude.
• Para a axuda de cheque residencia, non ser ou ter sido residente en calquera residencia pública ou privada no período dun ano completo e inmediatamente anterior á formulación da solicitude.

Prazo: pechada convocatoria 2007

Información:
Horario de atención ó Público: De luns a xoves de 9:00 a 12:00
Técnico Responsable: Traballadora Social
E-mail: atprimaria@rianxo.com

INGRESO EN CENTROS DE ATENCIÓN A PERSONAS MAIORES.-
Tramitación da solicitude de ingreso ou traslado a unha das Residencias de Persoas Maiores dependentes da Xunta de Galicia.
Beneficiarios/as: Persoas maiores de 60 anos
Requisitos :

• Ser maior de 60 anos.

• Non padecer enfermidade infecto-contaxiosa, enfermidade crónica en estado terminal ou enfermidade clínica que requira atención imprescindible en Centro hospitalario.
• Que o beneficiario, cónxuxe ou acompañante, no seu caso, poidan valerse por si mesmos para desenvolver as actividades normais da vida diaria, cando soliciten praza de válidos.
• Que o beneficiario teña unha incapacidade permanente que lle impida valerse por si mesmo, e necesite a asistencia dun terceiro, cando soliciten praza de asistidos.
• Non ser sancionado con expulsión definitiva dun Centro Residencial.
• Obter a puntuación esixida, en cada momento, para o ingreso na residencia solicitada.

Prazo: aberto todo o ano.

Información:
Horario de atención ó Público: De luns a xoves de 9:00 a 12:00
Técnico Responsable: Traballadora Social
E-mail: atprimaria@rianxo.com